歌手JW昨日在Instagram透露被中年男子跟蹤，害她嚇破膽，本報記者致電JW，她親述：「尋晚我搭港鐵回家，剛過馬路，有個男人望一望我，點知佢過過吓馬路，掉番轉頭跟住我，當時條街冇乜人，所以我好肯定佢係跟我。」JW表示當時很驚慌，為怕嘈醒家人，她致電友人求救，友人叮囑她千萬不要回家，免洩漏住址，她說：「因為我住嗰度要經巷仔，朋友叫我千祈咪返去，我停低，佢又企喺對面停低，好彩突然有架的士落客，我即刻跳上車！」JW呼籲女生夜歸要小心，平日她警覺性都高，會跟家人、朋友報備的士車牌，沿路也會與朋友傾電話以策安全。另外，已跟黎明的Amusic約滿的她透露稍後會公布新動向。