Yumiko去年在港擺喜酒，英皇的同門容祖兒、蔡卓妍（阿Sa）及鍾欣潼（阿嬌）做姊妹，阿Sa昨晚約七時到醫院，落車時任記者影相，表示來探望Yumiko，問到有否先致電Yumiko問候？她說：「有啊，有打電話畀佢，個個都好想嚟，但太忙。（兩母女情況？）OK！（買咩禮物畀Yumiko？）有呀！」便匆匆上病房。

戴口罩的祖兒急步入醫院。

阿Sa表示探望Yumiko前，有先致電問候對方。

8時30分，戴口罩的容祖兒由司機接載下現身，急步入醫院，問到有否買禮物給Yumiko？她說：「有，（BB同Yumiko嘅狀態OK？）係咩？佢講過你知？你知道多過我。」二人約9時20分離開，祖兒見記者說：「未見過咁靚嘅女人。」阿Sa則說：「充滿母愛！」之後兩人分乘保母車離開，記者叫祖兒行路回家，她說：「我可能唔返屋企。（去龍宅？）我去食飯！」

此外，阿嬌指有跟Yumiko訊息聯絡：「我知佢情況，Yumiko同BB女都OK，唔使擔心，工作忙未能去醫院探佢，我一忙完就去。」

張敬軒在電話中說：「Yumiko母女平安，好心急想快啲見到BB女，媽媽又靚，爸爸又靚仔，BB女一定好靚，有明星臉。我哋幾個好朋友諗緊送咩禮物畀BB，佢一定萬千寵愛在一身，爸爸媽媽有咁多好朋友，BB女一定好幸福長大，係小公主。」