昨日保良局舉行就職禮及晚宴，出席的陳細潔透露兩年後將榮升主席，要多去活動了解運作，因為做主席會很忙。問到會否閃婚？她笑說：「如果結咗婚一定散，因為做主席會好忙冇時間，依家返工都冇時間處理保良嘅事，何況拍拖，雖然有人追，但暫時冇人令我想結婚，唔知點解啲人覺得我個樣刻咗『適婚』，有幾個認識幾個月就好想同我結婚。」

陳細潔表示仍未遇到Mr.Right。

此外，太子珠寶鐘錶主席鄧鉅明的太太鄧宣宏雁（Emily）擔任保良局總理，鄧鉅明現身撐場，Emily笑言最需要丈夫金錢支持，他即義不容辭指無論在時間、心理、家庭上，均全家總動員力撐，Emily說：「我都同老闆（老公）講咗會返少啲工，擺多啲時間落保良。」鄧鉅明即和應說：「對我哋兩公婆都係一件好事，見少咗反而會仲恩愛啲。」另外，蕭定一拖住懷有五個月雙胞胎的太太到場。