「大細契」李司棋、關菊英及「鮑鮑」夏雨同是《溏心》系列的骨幹成員，司棋姐與夏雨現屬自由身，菊姐與無綫則還有數個月便約滿，對於梅小青有意再以《溏心》班底開拍新劇，「大細契」都興致勃勃！司棋姐開心表示一向喜歡跟劉家豪及梅小青合作：「聽到呢個班底又知道出年開拍，當然好想再合作，其實呢個世界真係好似一個齒輪咁，三年前都有人問過我會唔會喺第二個台拍《溏心》呢個劇種嘅戲，當時冇諗過會離開無綫，所以冇答到，但依家個心又好想去拍。」

李司棋與夏雨當年分別憑「大契」及「鮑鮑」一角入屋，贏盡觀眾的掌聲！（資料圖片）

曾於《溏心》合作的關菊英與阮兆祥相當有緣，於電台合照。

至於「細契」關菊英透露早前曾跟小青姐吃飯：「佢知道我同無綫仲有合約，所以嗰次都冇傾關於拍劇嘅嘢，我同無綫仲有幾個月合約！（如果梅小青搵你合作，會唔會應承？）當然希望同舊有班底合作啦！不過都要等完咗合約先。」而她日前接受電台訪問，有份參與《顧嘉煇榮休盛典演唱會》的她大讚煇哥脾氣極好：「佢好少講嘢，冇見過佢發脾氣，好Nice，最多只係大力揼地。」又指1976年很偶然地唱到《狂潮》，當年並沒想過歌曲會爆紅，期間又與有份參演《溏心》系列的阮兆祥合照。