前港姐張名雅（Carat）近日勤於健身，希望重拾三年前「朱古力肌」弗爆身材，她自言曾於加拿大學跳肚皮舞，當時導師喜歡訓練學生的肌肉，因而輕易地練出「六舊腹肌」，又笑說：「暑假一定會着泳衣，有腹肌線條好靚，又可以好健康咁去曬太陽、出海、游水，好耐冇畀人讚過我有腹肌，好掛住我個Six Pack。」

張名雅每日做半小時Gym，希望練出「六舊腹肌」。

張名雅與莊思明（左）齊學打拳。

除了間中與莊思明學打拳外，Carat盡量每日做半小時Gym，主攻跑步機、行山機及Sit-up：「我唔想做到變肌肉型，我做機器只係想肌肉Firm啲，好似手臂位置唔係想練老鼠仔，只係唔想有拜拜肉。（練人魚線？）暫時唔想，因為對女仔嚟講太極端，男仔有人魚線就幾性感，睇落去男性化啲。」

Carat又分享練肌秘技，她說：「每日一起身喺床上做Sit-up，唔可以一次過逼自己做好多下，要循序漸進每日加上去，但每次做到好攰唔好停，要逼自己再做多少少先好停，依家我大概做到一百下。」