影壇新丁兼廚房殺手「寸嘴Barbie」夏尉喻和石天欣識食唔識煮，熱愛美食但又不懂下廚，為煮出健康美味的西餐，平日愛煮中菜的Barbie與只識烚菜烚肉的天欣，今次向私房菜大廚拜師，誓要煮出獨特私房菜！

Barbie愛煮中菜，平時最叻煲湯。

天欣自小被媽媽禁足廚房，難怪不懂下廚。

天欣（左起）、Barbie在吉師傅的指導下開始動手炮製西餐。

秘製脆烤豬仔髀材料

Step1
先將豬仔髀加入黑椒及洋葱等醃料醃兩小時。

Step2
再放入焗爐以200度焗45分鐘。

Step3
焗豬仔髀的同時，將秘製醬汁的材料包括特製香草醬、茄汁、黑椒和洋葱等以文火慢煮而成。

Step4
取出豬仔髀，將煮好的秘製醬汁塗在豬仔髀上。

Step5
再以200度焗10至15分鐘即可。

天欣（左）及Barbie捧着製成品豬仔髀，令人食指大動。

牛油麵包焗布甸材料

Step1
先將將麵包皮切走。

Step2
將糖、忌廉等材料加雞蛋混合。

Step3
將已切好的麵包放入混合材料中。

Step4
將浸泡好的麵包放入陶瓷盆中，並加入紅酒提子。

Step5
放入焗爐，以200度焗8分鐘即可。

夏尉喻與石天欣既為同門師姐妹亦分屬好友，不過二人的口味卻大大不同！平日會「煮幾味」的Barbie愛吃中菜，閒時亦會煲湯滋補一番；而注重健康的天欣平日只會吃烚菜烚肉、少油少鹽等健康食物，不過十分嗜甜，屬影壇新丁的二人亦是廚房新丁兼殺手，為學識煮出健康美味的西餐，特意向擁有二十多年入廚經驗、私房菜大廚吉師傅拜師，學煮西餐及甜品。

着重醃料醬汁

Barbie自言愛下廚，不過來來去去都是簡單的家常菜與煲湯，對於烹飪有基本認識的她說：「中菜就要有火候啲，西餐就着重醃料、調味，仲有醬汁！煮西餐我就唔識，最叻只係整過蘆筍煎三文魚扒，不過我就係將所有嘢分開晒煮再上碟！哈哈！」Barbie覺得到外面的食肆吃飯未必適合自己的口味，有時候放工想吃簡單的小吃，就推薦大家整肉丸！她說：「好簡單，買啲新鮮豬肉、牛肉，攪碎後調味，再放入雪櫃雪一晚，咁樣煎出嚟就會有肉丸形狀！」

媽媽照顧飲食

天欣則與Barbie相反，從小到大媽媽都將她的飲食照顧得很好：「媽媽一向都唔畀我入廚房，覺得好危險，平時都係媽媽煮，好少出街食飯，而且都食得好清淡！」天欣第一次真正入廚，就是在內地工作的一個月間學會：「我皮膚好易敏感，唔敢亂食嘢，惟有喺內地買晒煲，一邊打畀媽咪、一邊煮，問媽咪下一步點做！」不過天欣嗜甜，喜歡整不同的甜品，曲奇、鬆餅和小蛋糕也難不倒她，故今次向難度挑戰，向吉師傅學西式甜品！

為食的Barbie今次跟師傅學「秘製脆烤豬仔髀」，先見師傅簡單示範一次，Barbie就落手落腳做，期間亦好學不倦，不斷問師傅細節，又叫師傅「靜靜雞」告訴她秘製醬汁內的材料，Barbie指今次向師傅學習，才明白為何煮西餐比煮中菜困難得多：「真係偷到師！煮西餐用嘅調味料同香料都好多，醃完之後再焗，焗到差唔多先加醬料，而且醬料點樣去調校都好難，要好有心機去試！」

拍戲大開眼界

天欣則向吉師傅學整「牛油麵包焗布甸」，曾試過整麵包布甸的她謂今次困難得多：「冇諗過整布甸都有咁多步驟，仲有幾層Layer，其實材料好簡單，但冇諗過可以有呢種配搭，而且焗出嚟真係好好食！」

二人同屬經理人公司，亦愈來愈多時間見面與工作，完成周星馳新片《美人魚》的Barbie表示，新電影正洽談中，期間亦為新片《台北夜蒲團團轉》宣傳。天欣作為影壇新人，曾與周潤發、張艾嘉等巨星合作而感到震撼：「拍戲同拍電視劇真係好唔一樣，係大製作，大開眼界！」