歌手吳若希（Jinny）媽媽自上周六踩單車出事後，已在醫院深切治療部留醫約一星期，孝順女Jinny昨午六時許聯同歌手Kellyjackie和細佬到醫院探母，而母親男友則在五時許抵達。

戴上口罩的Jinny（前），在Kellyjackie陪同下到醫院探望母親。

探病後談及母親的進展，Jinny前幾日仍樂觀地表示媽媽數天後便能轉去普通病房，但昨日她憂慮地指母親情況「冇乜進展」：「同佢講嘢都冇乜反應，遲啲有機會要做小手術，等媽咪保持呼吸，佢依家都係要靠呼吸機，等聽日見完醫生就知幾時做手術。」又指平日媽媽見到朋友來時，反應會比較大：「但頭先佢聽朋友講我嘅嘢淨係郁吓眼珠，冇擘大眼，唔知係咪太攰。」又透露母親男友每日也會前來為媽媽按摩。