吳君如昨日以評審身份出席《第39屆香港國際電影節「頒獎禮之夜」》，她自言從中偷師，希望成為成功監製及國際評審，但並非不再做演員：「我太靚，演技又太好，唔可以浪費做演員，下部戲無論係監製定演員都好有團火！」

君如擔任評審，自言重拾入行第一日以來的夢想。

提到父親夏春秋（冬叔）由麗的効力到亞視，如今亞視被「釘牌」，君如說：「老竇當然好黯然，佢仲係邱德根先生治喪委員會成員，依家突然間冇咗，我都同佢講要向前看。（冬叔有冇唔開心？）佢都好樂觀嘅，雖然84歲但仲話想再創一番事業，我就同佢講算罷啦！唔想你操勞，唔好再拍劇，我養你！」

至於前亞姐筱靖昨日捧「綠魔」許嘉浩（Karl）的期限潮店場，談到亞視無法續牌，她坦言是意料之內，但仍感到遺憾及傷感：「都咁耐，總算係一個解脫。有啲內地嚟嘅幕前同事好慘，希望做夠七年攞香港身份證，但有啲嚟咗五、六年，依家又難搵公司。（覺得早走係好彩？）唔可以話好彩，我係亞視出身都有感情，但後期係非走不可。」