周杰倫老婆昆凌證實有喜，身為杰倫契爺的黃秋生卻笑說：「關我咩事？（你係杰倫契爺！）咁呀！恭喜佢啦！（會短訊恭喜佢？）我冇咗佢電話啦！佢好神秘，好似蝙蝠俠，都係透過佢經理人搵佢，依家透過傳媒恭喜佢囉！（台灣方面計番日子，質疑杰倫奉子成婚？）呢啲都理埋呀？咁就好八婆喇喎！總而言之，恭喜佢，祝佢好好享受愛情生活、家庭生活。」

導演劉偉強（左）希望周杰倫生夠四個BB。

黃秋生祝周杰倫好好享受愛情及家庭生活。

導演劉偉強則說：「哈哈！我非常高興，佢一結婚我就同佢講一定要生仔。我有4個，佢起碼都要生番4件拍住我。（對親家？）咁又唔使，生得愈多愈好囉！」