青春少女組合Super Girls（SG）前晚以性感打扮現身活動，對於成員Heidi跟一班女性朋友旅行，其餘四位成員坦言十分擔心：「驚佢畀人拐走，同畀麻甩佬睇蝕！」

SG晒纖腰跳舞，性感又有型！

Louis表演魔術，令人拍爛手掌！

女子組合Super Girls前晚聯同魔術師甄澤權（Louis）等出席晚宴活動，以五缺一姿態上陣的Super Girls穿上黑白透視裙，當中以Cheronna最性感，穿上Bra Top谷胸兼露小蠻腰，十分養眼！

「擔心畀麻甩佬睇蝕」

談到五缺一，她們透露Heidi到了宿霧旅行，問到可有男伴同行？各成員即表示十分擔心：「佢同女仔去，全部都係靚女，驚佢有危險，因為酒店出面比較地道同舊，附近有好多鐵皮屋，冇男仔會危險啲。佢又咁白淨、靚女，好似好易畀人拐走，又擔心佢畀麻甩佬睇蝕，所以最好我跟埋一齊去，保護佢！」又透露計劃五個一起去旅行。

甄澤權密接騷搵銀

至於跟吳若希一同拍攝《街頭魔法王2》的Louis則大讚她專業和硬淨：「雖然未Roll機前佢都唔係好出聲，但要做嘢就好專業，好犀利！」他又透露為節目停工兩個月，現可密密接騷搵銀。