薛家燕前日踏入65歲，電台前晚為她筵開50席生日派對，讓粉絲與家燕姐一同慶祝，除三名子女外，韋綺姍、王梓軒及陳明恩等亦抽空出席，而張智霖、佘詩曼、王祖藍及李亞男等亦有錄製短片祝賀。家燕姐受訪時眼濕濕地表示現正是黃金時代，一來子女已長大成人，二來有足夠收入享受人生，問到想收到甚麼生日禮物？她笑言大家不要送支票：「前排搵番2006年啲禮物，朱古力已經過期，支票都係，其實仔女有時間陪我已經係最好禮物！」她又提到本來打算9月旅行，卻因麥長青而擱置：「佢話有人想叫我哋去澳洲登台。（有傳佢經濟有問題？）唔係！佢冇問我哋借錢，佢登台騷都幾十個！」

家燕姐與子女及大班友人開心慶祝65歲生日。