男星吳鎮宇、譚耀文及鄭浩南等前晚於九龍灣出席新片《衝鋒車》慈善首映禮，衛詩雅、導演劉浩良、監製鄭保瑞及英皇電影行政總裁利雅博等到場支持，身在外地工作的男主角古巨基及任達華缺席。

因任達華缺席，吳鎮宇（左）及譚耀文「孭飛」出席《衝鋒車》首映。

當鎮宇得悉華哥缺席宣傳時戲言：「去歐洲大晒咩，去遊埠咋嘛！睇吓冇佢宣傳，套戲會唔會好啲，不過咁講好似好Hurt。」身旁的阿譚則說：「華哥真係無所不談，分享吓買樓經，又講佢以前點拍戲，仲話請我哋去佢英國餐廳食嘢。（你咪冇得休息瞓陣？）我唔瞓得，一瞓就水腫，其實我哋幾個演員都好健康，可以靜又得，多嘢講又得。」

藍天照「降火」

正身在意大利拍攝電影的華哥得知遭鎮宇揶揄後，即大讚拍檔把握機會為新片爭取篇幅：「如果套戲大賣最好，下次我哋兩家人去歐遊，公司出錢！意大利天氣好，藍天白雲，我影咗張相畀鎮宇，希望佢思想充滿藍天，不帶烏雲，心花怒放。」他又表示將於本月4日拍畢該片，希望能回港會合大隊到內地宣傳。而同樣缺席首映的基仔正身在北京，將於今日跟大隊在當地宣傳。