懷孕六個月的名模Cara G.及Ana R.昨日出席活動，挺大肚的Cara抱住紮紮跳的女兒India現身，她說：「我成日抱佢，佢仲會坐落我個肚度跳，我諗遲啲個肚再大就唔可以抱佢！（幾時停工？）唔會停！除非健康有問題，依家22周，聽日會去照仔定女。」問到可有給予一直恨生B的Ana R.懷孕貼士？Cara笑說：「好難講！我太容易有BB，可能同老公就咁望住都會有！呢兩胎都唔係計劃之中，我諗生完之後要同佢分房瞓，鎖佢出房門先得！」Ana則對生BB順其自然，問到想生幾多個？她說：「我好鍾意小朋友，但我覺得香港養小朋友太貴，所以我諗只係生一個。」

Cara G.抱着趣致的女兒India現身。