吳鎮宇與鄭浩南等出席主演新片首映禮,期間大講有味笑話,令全場忍俊不禁。自認麻煩的鄭浩南(Mark)想多拍有誠意的電影,希望全面復出影壇。

穿皮褸的鎮宇雙手插袋,使唔使咁Chok呀?

鎮宇及浩南等一眾台前幕後為電影造勢。

吳鎮宇、鄭浩南(Mark)、譚耀文、電影監製鄭保瑞及英皇電影高層利雅博等,昨晚現身英皇電影《衝鋒車》世界首映禮,一眾演員被安排乘坐車身貼上「衝鋒車」標語的小巴出場造勢,場面熱鬧,惟身為男主角的任達華及古巨基因有其他工作,不約而同缺席。

「早婚好易肥」

早前被任達華踢爆貪靚的鎮宇,受訪時表示今次拍戲非常辛苦:「好多都係大夜班,最難忍係見到啲消夜,鄭浩南食我哋先敢食,佢體內嘅運動DNA好勁,好早就操到好弗。」想不到Mark聞言竟無厘頭說:「可能因為遲婚啦!如果早婚好易肥。」鎮宇即「反駁」:「講咩呀?好少用?消脂呀?」笑聲隨即此起彼落。

Mark自認麻煩

問到鎮宇有否因為美食當前而增磅,他說:「咁又冇喎。(返屋企做運動?)返到屋企都休息啦,咁攰。」

而已移居馬來西亞多年的Mark,談到多年來減產的原因,他說:「想拍多啲有誠意嘅作品。(嚟緊多啲返嚟拍戲?)咁希望有多啲有誠意嘅公司搵我,我咁麻煩。」