以詭異為題材的無綫新劇《殭》，屢傳靈異事件，一名幕後工作人員爆料稱在錄影廠內常清晰聽到嗚嗚聲，男廁又發現血漬，認為種種迹象並非湊巧！不過該劇演員同聲以講笑形式談事件，陸永更以他與黃又南的鼻鼾聲比喻為恐怖的嗚嗚聲！

賴慰玲（左）與穿上道士袍的陳家寶早前齊齊拍《殭》劇。

《殭》劇開拍時，一眾演員曾一起拜神祈求拍攝順利。

幕後人員稱在電視城的男廁發現疑似血漬！

陳山聰

陳山聰及鄭嘉穎在劇中均有特殊裝扮。

陸永在劇中有殭屍戲份。

傳出靈異事件的戲劇廠房附近男厠有血漬，及經常有不尋常怪聲，令人不寒而慄。由鄭嘉穎及小花陳凱琳主演的劇集《殭》、歌手謝安琪、黃又南及陸永等，據幕後人員爆料，指上周六（28日）大隊於錄影廠拍攝羅莽及威利的拳賽戲份期間，多次無故NG，錄影廠又突然有一把「嗚～嗚～嗚！」的聲音，劇組人員深知不妙，但仍頂硬上繼續拍攝。

「唔似血漿」

該幕後人員後來到男廁如廁時，竟發現內裏有血漬，他說：「根本就唔似血漿，同埋當晚用血漿嘅演員冇去過廁所，咁先覺得邪！」當晚事件很快就傳遍電視城，不過為免引起恐慌，一眾演員均統一口徑笑談事件，陸永說：「當晚唔喺廠，怪聲會唔會係我同又南瞓着咗嘅鼻鼾聲咋！啲血漬其實除咗我哋，仲有其他人有血妝，會唔會係第二啲人留低！」而又南亦若無其事說：「拍拳賽戲份好嘈，邊度聽到嗚嗚聲啫！」

監製話有「軌」

至於陳家寶亦為NG不斷解畫：「動作場面多幾Take好正常，導演為效果通常多角度拍攝，所以就會多NG，現場又唔見收音師話有問題。（男廁有血漬又點解釋？）呢個我唔清楚，因為我冇入去，可能係演員洗拍攝用嘅化妝血漿留低啦！」賴慰玲則說：「當晚NG唔係特別多，冇Feel到有怪事，覺得人氣旺就冇問題，但唔會一個人留喺廠。」

該劇監製陳維冠表示沒聽過有幕後工作人員投訴，導演亦未曾提及，他笑說：「電視城荷蘭軌（拍攝工具）就有大把，啲演員不知拍得幾開心！」