伍詠薇及單立文（豹哥）前晚演出舞台劇《嬉春酒店》尾場，期間豹哥笑指伍詠薇與林嘉華是「姦夫淫婦」，並即場高呼「Please mind the gap！」伍詠薇聞言立即夾腳扮淑女！此外，豹哥演出時不時用下半身「頂撞」拍檔，他笑說：「每日都有進步，第一日冇乜點接觸，今日就睇到個成果囉！」伍姑娘亦笑說：「（觀眾）最開心係睇到豹哥點樣『頂撞』我，不過唔係用把口，係用下半身同大髀！」豹哥聞言說：「嗰度唔係大髀！」伍姑娘只好含笑反擊：「係你嘅不隨意肌！」

豹哥用下半身頂撞伍姑娘，藉此「增進」感情。

至於帶同愛犬Teddy演出的江美儀，謝幕時感觸地聲淚俱下，坦言由接騷到演出每天都提心吊膽，擔心演出及票房，演出時又發生了不少問題，因而自嘲是每天都以「拆彈」為任務的「科威特劇團」：「演出期間發生咗不少問題，後期知道場場爆滿先放心。（添食？）視乎主辦單位，係就要成Group，一個都不能少！」