Twins成員蔡卓妍與鍾欣潼，前晚結伴欣賞舞台劇的尾場演出。演唱會舉行在即，她們透露現正忙於做歌及重新整理舊歌，更考慮透過舞台劇形式細說彼此的故事！

將舉行演唱會的Twins結伴欣賞舞台劇，從中取經。

《嬉春酒店》大收旺場，前晚終告一段落。

楊天經獲母親陳寶珠（左一）撐場，發揮水準做場好戲！

江美儀、伍詠薇等帶同另一半撐場，夠晒熱鬧！

江美儀「瞓身」演出，與豹哥談情。

蔡卓妍（阿Sa）和鍾欣潼（阿嬌）前晚結伴欣賞舞台劇《嬉春酒店》尾場演出，並坦言是為了單立文（豹哥）而來，阿嬌更透露已是第二次入場欣賞。提到兩人舞台演出經驗豐富，可有打算參演舞台劇？阿Sa表示將要舉行演唱會，現時要先專注處理相關事宜：「搞咗個演唱會先！暫時冇呢個打算。」阿嬌亦異口同聲表示要先做好演唱會：「排舞台劇要好長時間。」

舊歌新唱有排忙

問到會否考慮在演唱會上透過舞台劇形式，向觀眾重現彼此的故事？曾在演唱會表演舞台劇的阿Sa表示可作考慮，但大部分關於演唱會的形式及細節都暫未有定案：「首要任務係做歌，又要搞啲舊歌嘅Arrangement，始終好多歌都係十幾年前。（咁耐？）好多人細細個就聽我哋啲歌！」在旁的阿嬌說：「今年入行15年喇！」