去年在《中國好聲音3》揚名的歌手鍾偉強（Simon）昨天舉行唱片發布會，Simon受訪時自爆當年寫給梁朝偉的《朦朧夜雨裡》其實是送給當年的女友，今次翻唱加插了英文獨白表達愛意：「雖然我哋分開咗，但仲掛住佢，等咗三十幾年終於可以自己唱番首歌。」他又指該前女友亦有到場支持，而鯊魚女陳細潔（Abbie）神秘現身，更獲Simon點名影大合照，問到Abbie是否當年的女友，Simon笑說：「你哋自己諗，唔講喇!」Abbie則表示與Simon是朋友，並否認曾與對方拍拖。問到是否認識Simon當年的女友？她口窒窒地說：「我識嘅，不過梗係唔係我啦！」

神秘撐場的Abbie表示與Simon僅是朋友。

記者事後再致電Abbie，問她可是Simon的前女友？她說：「唔係，我哋只係好舊嘅朋友，我哋冇拍過拖，佢都冇追過我，驚認咗會畀人打。」她又坦言該前女友昨天也有到場：「但佢一早走咗，喺咁嘅環境下仲唔走咩？」她指認識Simon老婆，跟他一家亦很熟：「我姪女同佢個女係朋友，我今日（昨天）都有同姪女去捧場，佢個女同老婆都有去。」