吳若希昨日到醫院探望頭部受傷的媽咪時說：「跟媽咪傾偈有反應，我都有同媽咪傾偈，佢都有反應，進度好好。」她透露若沒有大問題，媽咪稍後可離開深切治療部（ICU），心情轉佳的她說：「覺得有好多希望。」

Jinny到醫院探望頭部受傷的媽咪。

Jinny與Simon進入深切治療部。

頭部受傷送院的Jinny媽康復進度很好。

Jinny（右起）、蔡思貝及周志文探望後一起離開。

Jinny媽的男友黃先生拿着一包成人紙尿片及紙巾往探望。

吳若希（Jinny）昨午5時在前經理人Simon的陪同下，到醫院探望在深切治療部留醫的受傷母親，大概半小時後好友蔡思貝及周志文亦來探望。而Jinny媽的男友黃先生則早Jinny十五分鐘獨自到醫院，拿着一包成人紙尿片及紙巾，急步進入病房。

朋友頻頻加油

Jinny在病房逗留約1小時後，獨自步出病房受訪，她表示母親情況比前兩天好轉，問到媽咪是否清醒？她說：「唔可以用清醒呢兩個字，因為仲有麻醉藥同未知因素，要繼續留院。醫生話坐底要過埋呢兩日嘅水腫期。我都有同媽咪傾偈，佢都有反應，進度好好，冇咩大問題就可以離開ICU。」問到心情如何？她表示比前兩天好：「覺得有好多希望，好多朋友都叫我加油。細佬仲堅強過我，喺屋企都好自在，平日淨係打機，依兩日好乖會自己執嘢，對佢嚟講係個歷練。」

此外，早前有指當她得悉母親發生意外後，即急Call富商「十哥」林棣權求救，Jinny指對方曾傳短訊慰問：「多謝佢關心，有同佢Say Sorry，篇報道累咗佢，對方都明，佢都有好多圈內朋友，都知道會寫咩。（影到你上佢屋企？）唔知，由始至終知佢做生意，做咩生意同住邊都唔知。其實同佢識咗唔止半年，佢連我上一個男友，甚至上一個再上一個男友都識。」她又指認識十哥逾8年，還堅稱跟對方的關係不會再改變。

戥溫家偉無辜

問到是否跟溫家偉拍拖，她坦言對方是好友，媽咪亦曾跟《衝線》的演員食飯。問到跟溫家偉是否患難見真情？她笑言戥對方無辜：「做咗咁耐替死鬼，唔想阻佢搵好女仔!」Jinny受訪後返回病房，其後與蔡思貝及周志文一起離開，而Jinny媽的男友黃先生則逗留至探望時間完畢才離開。