歌手蔡卓妍（阿Sa）昨日出席《耆舞派對2015》活動，孝順的她自爆會陪嫲嫲打麻雀耍樂，卻嫌「打得細」。提到男友陳偉霆（William）為助陣謝霆鋒的內地節目《十二道鋒味》而少賺6,000萬元一事，阿Sa提議：「不如彈畀我做啦！」

阿Sa昨日與長者興奮大跳椅子舞。

白冰（左起）、鄒佡及阿嬌齊齊捧獎。

陳偉霆

歌影兩忙的阿嬌正趕製Twins的15周年紀念碟。

阿Sa昨日擔任「椅子舞大使」，聯同其他嘉賓與台下長者齊跳椅子舞，她透露原本打算帶愛跳舞及耍太極的嫲嫲來，可惜她未能抽空出席。問到可有陪嫲嫲跳舞？她說：「陪打麻雀多，但同嫲嫲打好悶，佢要打廣東牌又打得好細，打四圈已經頂唔順，要搵爸爸或者助手接力。」問到男友William可有陪她的嫲嫲打牌？她說：「佢都唔鍾意打嘅。」

Twins趕出碟

提到William為加入節目《十二道鋒味》而推掉十多個廣告及電影工作，損失約6,000萬元一事，阿Sa說：「唔知喎，我哋工作分開。（戥佢肉赤？）佢條路仲好長，賺得番嘅。（畀你做好過？）係啦，不如彈畀我啦！（有冇試過『接手』William嘅工作？）梗係冇啦！」她又表示最近忙於與阿嬌（鍾欣潼）為Twins的15周年紀念碟錄音，希望趕及於5月18日Twins成立日推出，演唱會則會是跨年檔期。問到可會打側手翻？她笑說：「其實打側手翻好簡單啫，反而會學啲新嘢畀大家睇。」

阿嬌封「矚目女神」

另外，阿嬌憑電影《王牌》於內地舉行的《金票根影迷嘉年華圓夢盛典》奪得「最受矚目女神」大獎，同屬英皇藝人的白冰則憑電影《一個人的武林》奪得「最具突破獎」，至於英皇投資的電影《一生一世》導演鄒佡榮獲「至美原聲」獎，三人盛裝亮相捧獎。