杜德偉（Alex）在紅館的兩場巡唱Part II前晚圓滿閉幕，殿堂級的徐小鳳在觀眾席與Alex暢談，她說：「聽講你會除衫喎，我都係唔坐咁前。」Alex笑答：「呢度你最大，你話咩咪咩囉！」不甘被指老的小鳳姐笑說：「可能呢個圈子我最大，但我哋個樣差唔多啫，可以話我心境幼稚，但任何人喺偶像面前都幼稚o架啦！」令觀眾笑破肚皮。至於以壓軸表演嘉賓身份登場的李玟，與Alex跳唱《信自己》掀高潮，安歌後，穿浴袍的Alex再度登場並高呼：「I Love You！」

杜德偉與小鳳姐唱得又玩得，兩人更互嘲搞氣氛。