無綫藝人林漪娸被指遭劇集拍檔徐榮及郭少芸杯葛，三人即來個合照粉碎傳聞！提到林漪娸演出「交行貨」一事，郭少芸搞笑地搶答：「全部人都交，唔使特別講啦！」

羅天宇及蔣家旻在活動上分享「家」中趣事。

郭少芸（左起）、林漪娸及徐榮全程Friend到爆，笑對不和傳聞！

無綫處境劇《愛．回家》昨日拉隊到灣仔為嘉年華會站台，黎諾懿、劉丹、蔣家旻及羅天宇等全「家」總動員現身，林漪娸、徐榮及郭少芸因是非纏身而成為焦點，三人似有備而來，親暱合照之餘全程有講有笑，受訪前徐榮更拋出一句：「逼供喇！」

寧傳緋聞拒惹是非

提及被杯葛傳聞，林漪娸說：「拍咗3年先有新聞都算遲喇！如果要傳，想傳緋聞多啲囉！徐榮好Nice，成日照顧我，而黎諾懿就比較照顧郭少芸，個個都有人錫！」她笑言傳聞當谷收視。有記者打趣地指她與郭少芸「大打出手」，她笑說：「我驚唔夠佢打，佢近期做Gym呀！」徐榮又補充：「漪娸姐唔同我哋一齊放飯，係因為佢帶飯盒，而且要午睡養生！」

800集收爐唔捨得

有指林漪娸演技「交行貨」，郭少芸即帶笑搶答：「全部人都交，唔使特別講！」林漪娸隨後說：「觀眾嘅眼睛係雪亮嘅，佢哋會睇到。」

鑑於該劇計劃800集便收爐，未能超越當年《真情》的紀錄，徐榮說：「半年前已決定，大家當然唔捨得，點都會約埋食餐飯嘅。」林漪娸則贊成「見好就收」，並揚言收視長期穩守23、24點，故絕對不是腰斬。有指眾人有可能被安排接演另一齣劇集，三人即表示暫未接獲有關通知。