昨日一眾星爸星媽帶同子女參加慈善馬拉松，包括名模馬詩慧（Janet）、歌手蘇志威及陳倩揚，其中Janet更是「威逼」兒子王躍穎陪跑，因她少做運動，要兒子照顧她：「今日好大壓力，咁早起身，又要跑咁遠。」兒子即踢爆：「今日係媽咪叫我一齊嚟，佢逼我嚟！（一陣等佢？）喺終點等。」

馬詩慧自稱要兒子照顧，所以「逼」他陪跑。

陳倩揚一家大細參加慈善跑，抱住囝囝都唔辛苦！

蘇志威拖實可愛女兒現身，齊齊跑享受親子樂。

而蘇志威帶同快將8歲的囡囡出席，身為活動大使的他透露大女已經16歲，有自己的天地，故趁着細女還小，希望透過運動喚起小朋友做有益身心的運動，又指很開心有機會參與親子活動，不過因工作忙而未有與囡囡一同練跑。

至於陳倩揚孭着只有兩個月大的細仔跑，雖然兒子有15磅，但她跑畢三公里賽事也不呻辛苦。同場還有前「天氣小姐」黃婉曼，她表示向來甚少做運動，但笑言不想做肥胖人妻，問到造人大計，她說：「唔覺老公想生，可能照顧我一個已經煩，所以佢褪軚，遲啲先。」