眼見有網民拿自己母親來開玩笑，護母心切的吳若希（Jinny）不惜在網上公然爆粗，以洩心頭之憤！不少圈中藝人支持，並希望Jinny早日渡過難關！

黃翠如

鄭俊弘

鄭欣宜

黃翠如：恕我也是普通人，粗口，在這時候，用得正確。

鄭俊弘（曾與吳若希傳緋聞）：「呢段時間唔煩佢啦！要畀啲空間佢，我有喺啲Group Chat度慰問吓佢。（作為公眾人物喺網上鬧人唔係咁好？）依家係非常時期，要慎言，要代入佢角度諗，如果有人傷害我屋企人我都唔客氣啦！」

鄭欣宜：Jinny尋日覆咗短訊，我覺得佢好堅強，佢話「我好樂觀，多謝你哋」。（網友以吳母開玩笑？）黐線！夠啦！點解會咁？可唔可以對自己講嘅嘢負責！藝人都係人，作為藝人你點鬧我、點笑我都冇所謂，但你唔好搞我到屋企人囉！咁樣好唔尊重，大家有口德啲啦！」

鍾嘉欣（與吳若希屬同一唱片公司）：「我哋未合作過，唔係太熟，但都戥佢擔心，希望Jinny媽咪盡快好番。（有網民拎呢件事講笑！）真係唔可以開呢啲玩笑，不能接受！要諗下如果係你媽咪出意外，你會點呢？做人要將心比心。（點睇Jinny爆粗還擊？）我冇睇到咁深入，相信佢呢排壓力都非常大！」

吳業坤：咁做都係人之常情，我都好理解，就算身為Artist，都需要被尊重，畀着係我，都會為咗屋企人咁做！希望大家留啲時間畀佢處理啦！