「希媽」半醒識擘大眼

吳若希（Jinny）媽媽前日踩單車重傷入院，昨日Jinny到醫院探望，談到媽媽傷勢時數度落淚：「媽咪依家已經有番意識，有同佢傾偈，但佢講唔到嘢，處於半醒狀態，情況比尋日好。」她表示知道媽媽有反應覺得好開心：「我哄佢、鬧佢都有反應，醫院話媽咪依家好似小朋友咁亂郁，我叫佢可唔可以睜開眼呀？佢都開到，雖然Out Focus，但我知佢係想同我有眼神接觸。」問到爸爸有否關心媽媽狀況？Jinny稱爸爸曾經聯絡，亦有發訊息關心，問到父母是否已離婚？她說：「分開咗好耐，但家事嘅嘢唔講咁多。」她又坦言經歷今次事件，會更珍惜與家人的相處時刻。問到自稱是吳若希媽媽男友的黃先生會否來探望？她表示會，但因為病房最多只可以兩人探病，不希望影響到別人。