藝人李綺雯（妹）、譚凱琪（Zoie）、梁嘉琪、李思欣及泰臣有份參與的舞台劇《嬉春酒店》現正上演，五人早前綵排時抽空向記者分享心路歷程。當中僅得妹與Zoie從未參演舞台劇，Zoie說：「同拍劇唔同，無得NG，衰咗會累到人，所以都幾大壓力。」但四女不怕「柴台」，經驗豐富的泰臣向眾女分享心得，妹說：「例如喺個台度點樣走位呀，嗰啲動作反應該點樣做、同埋節奏咁。」泰臣說：「做舞台劇嘅時候，個演員已經負責埋個節奏、剪接，同埋點樣『食燈』呀，因為電視、電影係啲燈就你，同時要自己控制節奏，控制台下觀眾嘅焦點。」思欣今次嘗試雌雄同體唱大戲作大突破，而扮保守鄉下女人的梁嘉琪因「扮識撈」造就不少笑話。

譚凱琪（左起）、李思欣、梁嘉琪及李綺雯齊齊參演舞台劇。