余德丞望鍊贏譚玉瑛

藝員余德丞（Dickson）、黃愷怡（Jasmin）、林希靈和黃碧蓮（Linna）接棒成為新一代無綫兒童節目主持，在《Think Big天地》將歡樂帶給小朋友。四人鏡頭內火花不斷，於鏡頭外散發「小學雞」式火藥味，希靈自爆常與Dickson開火：「佢試過大聲鬧我自私，然後我真係嬲再鬧番佢！」Dickson自辯：「我不嬲都唔食芝士，但嗰次我話唔好落晒成個Pizza，但係你又落！」希靈說：「個Pizza都唔使你食！」Linna見狀即做和事老：「唔好再嗌交喇！」

多方面發展

談到會否以四代主持譚玉瑛做目標，他們即時變得正經地指目標更為遠大，Dickson說：「想做個全面啲嘅主持同司儀，多方面都涉獵到就最好！」Jasmin坦言眼前目標是做好節目：「諗得太多對件事冇咁好！」Linna最想成為小朋友榜樣：「因為監製知我有興趣開兒童中心！」希靈則說：「監製都講過呢個係過渡期，係一個Train我哋嘅地方。」

向前輩取經

問到與前幾代兒童節目比較會否感壓力？Jasmin指主持已非傳統的老師角色：「係好似屋企人咁去啟發小朋友，仲有一個『Think Big Family』去解答佢哋問題。」希靈說：「我哋真係會覆！」他倆接手前向兒童節目前輩蕭徽勇取經，Jasmin說：「好似聲線咁，教我點樣講得清楚啲！」Dickson聞言說：「點解你哋兩個唔話畀我知點做！」希靈還拖：「你唔係一個會向我哋學習嘅人囉！」令Linna不知所措。