連續兩屆擔任明珠台奧斯卡直播節目主持的蘇頌輝(Desmond),數年前做老闆開設禮儀學校後,豬籠入水愈撈愈掂!日前本報發現他獨自現身灣仔保時捷車行,睇中銀色保時捷的他直接上車試坐,其後走向一架價值4百萬元的紅色保時捷前駐足觀看,繼而試坐並打開車頭蓋研究,Desmond與賣車經紀密斟15分鐘後,再轉戰到其他兩間車行研究瑪莎拉蒂和BMW,果然有米!Desmond受訪時大方表示想買車:「嗰日做完嘢去睇車。(想買?)都想,呢排工作順利,想鼓勵吓自己。」他稱睇中火紅保時捷:「細細個就好鍾意保時捷,睇中紅色嗰架。(幾時買?)未咁快,研究多幾個月。」

蘇頌輝

蘇頌輝西裝骨骨睇車,有意購入紅色保時捷自我獎勵。