藝人張崇德與冼色麗早前綵排舞台劇《香港有個BOLLYWOOD》,飾演過氣天王巨星的張崇德大爆曾見證娛樂圈辛酸史:「初初入行參加頒獎典禮,有個好紅嘅男歌手聽到唔係自己攞獎即刻兩眼通紅,到廣告時段就衝咗入廁所,兩行眼淚湧落嚟,有時大家對自己期望太高,搞到壓力太大要用啲嘢去麻醉自己。」而飾演張崇德經理人的冼色麗則稱原來經理人十分辛苦:「做咗呢個角色之後發現做經理人比想像中辛苦,其實佢哋都好大壓力,情緒都好反覆,下次要對佢哋再好啲!」

張崇德與冼色麗整古做怪拍照,非常合拍。

張崇德與冼色麗落力綵排舞台劇。