「男人不壞,女人不愛」,偏偏HunterZ四位辣妹反其道而行,誓做壞女孩馴服男生!成員蕊蕊更自封「港女公主」,成功迷倒金剛!

蕊蕊自認是「港女」,幸有男友金剛遷就!

蕊蕊與HunterZ其他成員跳得又唱得。

女子組合HunterZ四位成員蕊蕊、Crz、Kelly及雪子打正旗號賣性感,平日在鏡頭前搔首弄姿,本以為她私底下亦會是個小女人,對男友嗲聲嗲氣,怎料原來她們的愛情觀反而是「女不壞男不愛」!她們說:「我哋性格都比較強,係個烈女,鍾意就鍾意,唔鍾意就算囉!點都係有自己性格!我哋四個其實都有一半係麻甩佬基因,好爽快,有咩就講出嚟!」

不愛做作扮嬌嗲,反而要在男友面前坦蕩蕩做烈女,蕊蕊的男友金剛豈不是被馴服得貼貼服服?

密謀無底線出擊寫真

「蕊蕊公主」原來有一套「港女秘笈」:「唔使講啦!當然要好就我,我認我好港女!港女係嬌生慣養,咁有人肯就我,我都要有咁上下資質、姿色先得嘛!某程度對男仔要有啲公主病,對朋友就唔好啦!」

除蕊蕊外,其他三位成員正等待Mr. Right:「想搵到個鍾意嘅人,但依家工作就係我哋男朋友。」去年蕊蕊榮登寫真女王,問到她們今年可會推出四人寫真?她們坦言曾有這個念頭,將來成事更會無底線出擊。為谷人氣,她們承諾如果Facebook專頁有逾萬讚好,便會穿比堅尼跳舞:「大家有興趣就諗吓啦,有咁多人支持,都要獎勵佢哋嘛!」