周柏豪在電影《四非》中扮演因面上肉瘤而感到自卑的殺手，他在整個拍攝過程為投入角色而變得「生人勿近」，甚至與女主角Liddy「冇乜兩嘴」！化上爛面妝的他更要全裸瞓垃圾山，面對食物殘渣及動物屍體之餘，更被上萬隻蒼蠅「圍攻」！

於《四非》扮自卑殺手的周柏豪，拍攝期間因角色而變得沉默寡言。

周柏豪為投入角色的內心世界，拍攝時甚少與女主角Liddy聊天。

全裸瞓垃圾山的周柏豪，被上萬隻蒼蠅「攻擊」。

周柏豪在新片《四非》中飾演殘缺而又自卑的殺手，因嫖妓認識女主角李悅彤（Liddy），繼而墮入圈套，電影於泰國取景，柏豪坦言於拍攝的一個月時間感到不快：「角色面上有肉瘤，因為有殘缺所以極度自卑，又要靠殺人而去賺錢，角色好沉重，我幾乎冇同人講過嘢咁滯，甚至係Liddy，因為後生仔傾幾句就好快熟落，導演擔心會影響拍攝情緒，所以我哋連劇本都冇對過！」

聞沼氣作嘔

而最令柏豪難忘的場面必定是全裸瞓垃圾山：「你完全唔會想像到嗰度係點，一上到去已經想嘔，垃圾山裏有食物殘渣、動物屍體，仲有垃圾引致出嚟嘅沼氣！」此外，化上爛面妝的柏豪，刀痕血液由糖漿製成，故一上垃圾山即被蒼蠅「圍攻」:「成萬隻蒼蠅喺我『傷口』上，仲會飛入耳仔、鼻同口，頭嗰一日我都會用手去撥，但撥咗一日就停，因為冇用兼好攰呀！」

同Liddy唔熟

雖然在垃圾山拍攝吃盡苦頭，惟他並未感到「犧牲好大」，反而為角色而驕傲：「垃圾山唔係你話上就上，仲要全裸，而且化咁誇張嘅特技妝，個種震撼，比起紅館開個唱勁好多！就算畀我再揀，我都會拍！」

而女主角Liddy去年因當上彭順小三及父親自轟而成為新聞人物，柏豪坦言因角色關係與對方並不相熟，惟他直認有發短訊慰問對方，但直至現在亦未有聯絡。