歌手李逸朗（Don）拍攝廣告，並在片中飾演經典驚慄角色《猛鬼街》的殺人狂魔Freddy，造型嚇人！相中可見他皮膚潰爛、血肉模糊，Don更笑言幾乎認不出自己。是次造型製作認真，花了三小時裝扮，不但要裝假手，牙齒也要染色。

Don化全妝前不忘留影，證明佢就係「殺人魔」！

化上恐怖狂魔妝的Don造型勁爆，完全認唔出！

平日看似文靜的Don轉身變成一個大男人，與其他人齊齊擺騎呢甫士拍照，令人眼前一亮，他說：「Freddy呢個角色咁深入民心，知道有得扮我都好開心！我都幾鍾意咁樣扮，雖然拍咗廿個鐘，不過真係好好玩。」