無綫小花唐詩詠昨日以粉紅色Tube Top裙到荃灣出席活動，被問到與洪永城的關係，她以「友達以上，戀人未滿」作擋箭牌：「仲係朋友關係，但進入咗另一層次。（同居？）唔會，我同爸爸同居。（想洪再主動啲？）太主動會嚇怕人，再觀察吓，唔使咁緊張，愛情順其自然，我屋企人都唔急。（洪永城急？）我Feel唔到，最緊要有耐性。（考佢耐性？）唔係，睇耐啲，我清楚自己要乜。」

身穿粉紅色Tube Dress的詩詠亮麗動人，難怪洪永城咁冧佢！

她笑言不擔心洪永城去北韓拍節目：「佢同金正恩咁似，有歸屬感！（會同佢去旅行？）同男仔去有啲怪，一班朋友都OK。」對於早前被撞破上洪永城屋企，她說：「嗰次係朋友聚會。（你立即縮沙？）我唔想大家誤會。（拍拖會低調？）想大家專注番工作。」