「宇宙最強」甄子丹太太汪詩詩，昨日偕妹妹汪圓圓、表妹湛琪清及梁漢文太太林文慧（Karen）出席皮具品牌活動，談及子丹即將與泰臣拍電影《葉問3》，詩詩表示得悉時很震驚，同時感到擔心：「見到泰臣嘅挑機片都戥佢驚。（買定跌打酒幫佢捽？）會啊！（煲湯畀佢？）煲湯都唔夠，泰臣咁大隻。（子丹操練緊？）係啊，秘密操緊啦！」圓圓則表示今天將度過榮升媽媽後的首個牛一，希望收到驚喜和一份最佳的生日禮物：「囡囡依家6個半月，開始口噏噏，如果聽到佢講媽媽就係最好嘅生日禮物！」而早前患乳癌的Karen表示靠勤做運動和保持心情愉快來維持身體健康，又透露現時定期3至4個月覆診一次，還希望可成功「造人」！

詩詩（左起）偕圓圓和湛琪清出席活動，對老公要挑機泰臣表示擔心。