作為香港黃金盛女代表的徐子珊昨日與安志杰出席《莎莎美麗承傳37載》周年慶典,並聯同該公司的主席及行政總裁郭少明夫婦、女兒郭詩慧主持揭幕儀式。有指女性不應拘泥於30歲前要結婚的傳統觀念,子珊也很認同:「婚姻唔應該等同女性嘅價值,亦唔係咁去衡量婚姻,要了解清楚自己再去搵適合嘅對象。」今年36歲的她承認踏入30歲時也有急於結婚的心態:「始終係一個關口,而且身邊嘅朋友都陸續結婚,不過,見有啲朋友結咗又離,所以緣分好難講,隨緣,揀到個啱先。」她又自爆數年前母親曾以到台灣探望在當地工作的姊姊為名要她相親:「對方係家姐嘅同事,係美國人,當時我哋去咗一個景點,遇到班馬來西亞嘅學生團,佢哋圍住要同我合照,嚇到個美國同事彈開200米,之後仲唔敢同我講嘢,原來明星身份係有阻礙,冇諗過外國人都咁介意,係有啲Hurt。」

子珊表示婚姻不應等同女性的價值。

安志杰(左)