昨日《2015香港國際影視展》另一焦點是星皓電影為新片《西遊記之孫悟空三打白骨精》舉行記者會，演員郭富城、小瀋陽、羅仲謙及老闆王海峰齊齊現身。飾演「沙僧」的羅仲謙自爆與一班巨星合作，開始時心情十分緊張，但機會難得故十分興奮，最開心是收到鞏俐送靚相：「一直都好想同佢影合照，但造型唔可以曝光，所以最後鞏俐好Sweet咁將寫上祝福字句嘅相送畀我。」

城城自爆演孫悟空黐到滿身毛熱到爆，吹風降溫又冷病，勁辛苦。

羅仲謙收到鞏俐送的靚相，冧到暈！

小瀋陽指拍攝過程輕鬆，唯獨特技化妝。

「唐僧」馮紹峰未能現身，拍短片撐場。

星皓老闆王海峰主持開幕儀式，並宣布電影授權改編遊戲。

星皓將會場打造成白骨洞。

滿毛大汗吹風

至於電影中扮演「孫悟空」的郭富城透露每日花上七小時作特技化妝，長時間拍特技化妝更令面上出現水泡，但最辛苦還是滿身黐滿毛，拍到滿頭大汗時要用吹風機降溫止汗，亦因而冷病：「返香港要睇中醫，中醫話我身體又寒又熱，佢睇咁耐症都話未見過。」出名捱得的城城還罕有地呻辛苦：「辛苦程度係自己想像嘅十倍，自己都叫好捱得，入行以嚟都好少講辛苦，今次講係唔想壓抑住，要抒發出嚟。」

小瀋陽唔享受

席上，城城又透露稍後可能要再到新西蘭取景，他笑言雖然已經習慣特技化妝，但也希望不用再化孫悟空特技妝。問到若加片酬再會再演孫悟空嗎？他說：「唔係錢問題，依家唔諗住，放低吓先。」而扮演「豬八戒」的小瀋陽則笑指除了特技化妝的時間外，其餘拍攝過程皆十分享受。

另外，星皓宣布內地遊戲公司37互娛獲電影授權改編遊戲。