張智霖透露囝囝魔童早前到澳門探班，對導演板充滿興趣。他指囝囝有興趣做剪接師，可能魔童將來會操刀為父母拍片！

Chilam與「小Captain Cool」合照。

Chilam大爆囝囝對導演板有興趣，並想做剪接師。

呂良偉夫婦讚囝囝愈來愈乖。

王卓淇（左起）、邵珮詩和何艷娟悉心打扮到場。

張智霖（Chilam）、呂良偉及太太楊小娟等前晚出席慈善晚宴，Chilam表示專誠從澳門趕回港出席活動，及後即趕回澳門拍戲，非常奔波勞碌。Chilam指囝囝魔童早前到澳門進行首次越洋探班，了解父親平日工作的情形。問到囝囝在片場有否很好奇？他說：「有，可能男仔都對啲電子器材有興趣，佢好想拍嗰塊板（導演板）。（佢想入行？）佢有興趣做剪接師。（佢有冇幫你同靚靚拍片？）我哋有呢個構思，但時間唔夠。」Chilam坦言囝囝性格較害羞，對演戲及唱歌都沒有特別天分。問到囝囝是否適合做幕後？他笑說：「呢個世界好多嘢做，唔一定要入娛樂圈。」

楊小娟想再生B

而同場的呂良偉透露13歲的囝囝愈來愈乖巧，會在他離港工作期間陪伴母親。提到前港姐冠軍翁嘉穗相隔15年再次懷孕，問到楊小娟有否興趣再生小朋友？她說：「有梗係好，我好想，我個仔都鍾意。我年紀都唔係咁大，仲可以生。我啲朋友叫我人工受孕，不過我好抗拒，自然好啲。我一直都好恨生女，可以陪我行街。（有冇請教朋友？）有，佢哋都係叫我放鬆，唔好咁緊張。」