名模琦琦首度參演的內地真人騷《愛上超模》於上周六首播，當中她夥拍中國著名舞蹈家金星任星級導師，各帶領模特兒小隊對戰，琦琦組的參賽女模包括超模康倩（Ki Ki）及兩位四川性感姑娘，還有一位被指貌似內地男星王寶強的女模；而金星組包括一名大碼模特兒及一名聾啞女模，引起話題而贏得收視冠軍。

琦琦在真人騷中任星級導師，頂住烈日訓練一班模特兒。

康倩（中）、琦琦（右一）

琦琦表示接拍真人騷經過很大掙扎，因為拍攝時間長達兩個多月，需要到內地及澳洲取景：「金星做我先答應，好耐之前已經識佢，今次第一次合作好愉快。」她又說：「聽朋友話有好多個收視第一，呢兩個月拍得好辛苦，之前感冒未好咳唔停，澳洲啲陽光好猛，鼻同耳仔都曬燶咗，離開屋企好耐唔捨得個女，一有三日假期就飛返香港見佢！（拍到好感動？）第一次喺鏡頭前喊囉！成日畀隊員講嘅說話搞喊，喊咗好多次，我叫攝影師唔好再影我喊，太肉酸！」節目總監見收視理想，隨即力邀琦琦與任達華夫妻檔拍新一輯真人騷，但仍未能夾得檔期。