鄭中基和雨僑昨日出席「香港國際影視展2015」宣傳電影《猛龍特囧》，期間播出未曝光爆笑片段。今次是鄭中基自細仔出世後首度公開露面：「上一胎做緊嘢，所以趕唔到入產房，今次特登請假陪太太。本來諗住生完一個月就可以做嘢，但依家要多半個月，因為陪月走咗。我負責夜更，泵吓奶咁！」他又笑言囡囡當弟弟是玩具，不過很愛錫弟弟，問到開工會否掛住囝囝？他說：「啱啱佢瞓咗，都瞓到2、3個鐘，依家返去差唔多。」戲中扮醜女的雨僑笑說：「我頭又核突，衫又核突，又冇化妝，可以最遲先到片場！」談到在另一新片《驚天破》與謝霆鋒合作，問到有否見過霆鋒女友王菲探班？她表示現時仍未見到霆鋒。

鄭中基與雨僑宣傳電影。

此外，電影老闆蕭定一表示早前拍下一個廣告遭亞視禁播，電影公司已立即修改到符合亞視要求以配合播放，但亞視仍以管理層不通過為由再禁播：「亞視唔播唔緊要，反正冇人睇，會放喺網上播。」對此，亞視發言人解釋有關廣告內容採用了部分未獲亞視授權使用之劇集片段。另外，片中角色聲稱獲亞視聘請，為失實之描述，故亞視拒絕有關廣告片之投放。