袁潔儀：入ATV學生存

亞視執行董事葉家寶昨日偕朱慧珊、蔡國威及袁潔儀等在會展出席《亞洲電視展台啟動禮》，公布來年會推出《開門見珊》及新版《尋找他鄉的故事》等新節目，期間袁潔儀呼籲大家要參加亞姐：「入嚟ATV可以學到生存技巧！」對於無綫兩度出手以共1,700萬港元買下亞視王牌劇集的香港及海外播映權，葉家寶表示亞視仍擁有接近一萬小時的劇集仍未出售：「未賣晒，睇吓有冇人有興趣。《尋》停咗成十年，之前係六年冠軍節目，依家同旅行社傾合作，希望以低成本或者零成本製作新版。原則上點都會開新節目，無論牌照係咪續到都好，股東不斷搵新買家斟洽。三月份嘅糧都籌緊，希望下月二號前解決到。今年亞姐都同緊內地品牌傾冠名贊助或買幾年主辦權，到時會有筆可觀收入。（股東蔡衍明入稟向另一股東黃炳均名下公司追討五千萬港元債券利息？）呢啲係股東層面嘅事，唔畀意見。」同場的朱慧珊和蔡國威均指對亞視前景樂觀，又指《開》是會落區聆聽市民訴求，為民請命。