任達華簽約英皇電影以來片約有增無減，除主演的《衝鋒車》將於下月上映，另一新作《殺破狼Ⅱ》的海報及宣傳短片近日亦陸續曝光，於片中演好警察的他，為救吳京奮不顧身，結果被奸人捉拿，被困狗籠虐打。

任達華於新戲演警察，當然少不了駁火的場面。

《殺破狼Ⅱ》宣傳短片日前曝光。

提到這場拍了足足15日的重頭戲，一向捱得的華哥亦不禁慨嘆：「片場做晒消毒工夫，我去到仍然被蝨咬到周身紅腫，瞓唔到覺，第二日驚有菌即刻要搵醫生睇，畀咗啲消炎藥我頂住，點知要喺個狗籠被倒吊，唔上唔落要靠腰力支撐，結果搞到嚴重勞損，返嚟醫生一睇就知大件事，睇足一個月先有進展。」難怪他形容今次是「入行以來肉體最受傷的一次」。

琦琦信用卡被盜用

即將出發到歐洲拍新戲的華哥又指不會在當地用信用卡，並大爆太太琦琦早前到澳洲公幹時被盜用信用卡：「佢張卡畀人喺巴西買咗嘢、喺倫敦買咗機票。條數唔係好大，好彩我發現得早，即刻打去銀行鈎番啲數出嚟。」