鄭嘉穎昨日與楊怡及陳展鵬登上花車巡遊宣傳無綫劇集《天眼》，吸引大批粉絲圍觀及拍照。對於蔡思貝與羅仲謙再傳緋聞，楊怡笑言當為兩線劇宣傳：「佢套劇都好睇，無論男仔、女仔我都鍾意睇。（思貝同謙謙拍親熱戲會呷醋？）『呷醋』對身體幾好，我唔介意呷醋，我為人都好大方，雖然同思貝唔熟，但覺得佢係努力嘅女仔，希望佢唔會畀新聞影響到。」提到陳凱琳於新劇《殭》半裸騷玉背，嘉穎笑言沒有演殭屍的陳山聰好艷福：「我淨係殺殭屍，我都唔咬人點有艷福？可能下次到我呢！」他又透露劇中有性感演出：「算係電視入面嘅終極，係劇情需要，要練功都要有啲嘢睇吓，齋練功好Dry。（你身材正？）唔好咁講，燈光打得好啫！（有練肌？）瘦到有幾舊，都有練吓。」而展鵬則透露會客串《巨輪II》。

鄭嘉穎（右起）、楊怡、陳展鵬、洪永城及高海寧宣傳新劇。