徐子珊昨日出席商場活動，提到觀眾對陳凱琳（Grace）、蔡思貝、陳瀅及李佳芯等幾位新上位的無綫小花甚為受落，其中Grace於新劇《殭》更有疑似全裸鏡頭，可謂完全豁出去，更被公司點名力捧做「李嘉欣第二」，身為師姐的子珊聞言即笑說：「咁激動？未睇到張相，不過多啲機會畀新人係好事，自己當年係新人時公司都畀好多機會，公司又咁多製作，需要好多人去拍，唔使成日都拍住同一堆演員，觀眾就會冇新鮮感。（咁舊人咪冇機會？）都唔會，大家會有一定嘅市場，最緊要係演員之間多啲火花啫！」

子珊認為給新人多點機會是一件好事。