無綫小花李佳芯（Ali）於劇集《名門暗戰》中姣到出汁，以一雙勾魂眼俘虜宅男一族，此後便常演「小三」角色，新劇中又做洪永城情婦。無綫有意打造她成為新一代狐狸精，以取代許亦妮及梁政珏，Ali對此說：「咁睇得起我？當然我都想藉機會殺出一條血路！」

Ali不怕被定型做「小三」，只要有機會就得！

無綫歷來的劇集都有不少「小三」角色，女星往往能藉此上位，近年代表人物先後有梁政珏及許亦妮，但為免觀眾看厭，無綫一直在物色新一代「小三」，據知最近終有定案，理想人選便是在劇集《名門暗戰》中演岳華「小三」出晒位的李佳芯。

強練勾魂眼

曾任有線電視節目主持的Ali轉戰無綫後，在劇中憑一雙勾魂眼放電及搔首弄姿，又穿短裙晒長腿，演床上戲時亦姣味十足，角色輕易成為網民熱話，俘虜不少宅男，其後Ali於劇集《倩女喜相逢》演騷味十足的九尾狐，最近在新劇《波士早晨》飾演秘書，也要谷胸勾引上司洪永城，看來其「小三」角色十分入屋，據知無綫鐵定打造Ali成為新一代狐狸精，以取代以往演狐狸精入型入格的梁政珏及許亦妮。談到備受公司力捧，Ali昨日笑說：「咁睇得起我？」

回想去年播出《名》劇時，因其「小三」角色不斷被責罵，當中更有人身攻擊，她說：「話我個樣似足狐狸精，又話我乜乜託世，出街都繼續畀師奶鬧，都會有唔開心，但就算定咗型都唔太擔心，因為現實生活未試過。（想殺出條血路？）我都想可以殺出更多嘅血路，唔止呢條嘅！」為了揣摩「小三」角色，事前她做足準備，除看了不少電影外，亦有練習如何拋媚眼，問到可會覺得能取代梁政珏及許亦妮？她即耍手擰頭說：「人哋咁好身材，我係紙板人，取代唔到嘅！」

色誘洪永城

而Ali昨日為《波》劇開工時透露與洪永城不乏親熱戲：「在私係我情慾上Partner！今次又係做人第三者，錫就有幾場，有好多都係『事後』戲份，有露膊頭同腳。（好激？）又唔係，交代到就得，冇《名門暗戰》咁激！」