對於亞視進一步向無綫出售經典劇集，曾參演經典劇《楊門女將》的楊玉梅表示心痛，大罵亞視的股東不負責任亦冇信用，有如生兒不育兒：「呢啲係心血，就算依家都拍唔番呢啲質素！」而前亞視藝人田蕊妮則認為只要亞視能夠透過賣片向員工發薪，絕對支持決定：「演員演戲係為個角色去演，唔係為咗個電視台，而且版權係電視台擁有，佢哋絕對有權出售啦！（可惜？）我冇感覺，最緊要係佢哋出到糧。」

張家瑩贊成以出糧為先，只希望亞視加保《亞姐》的播映權。

楊玉梅心痛亞視賣劇，慨嘆有錢都拍唔番！

田蕊妮對於「心血」被賣走是零感覺。

仍然留守亞視的前亞姐冠軍張家瑩雖然對公司出售「鎮台劇」大感可惜，但認同公司應該以出糧為大前提：「冇辦法啦！過咗關之後希望可以再拍過啦！（賣《亞洲小姐》？）會唔會有電視台肯收先？不過《亞洲小姐》歷史悠久，個名好值錢，係自己品牌，最好就唔好賣啦！」