亞視今次大舉賣劇救亡，令不少前亞視製作人感不滿！曾監製多套經典古裝劇集包括《楊門女將》、《再見艷陽天》等的楊紹雄昨日受訪時表示，對亞視將其「心血結晶」出賣大感遺憾：「當時我哋拍呢堆劇係為咗亞視賣力、打仗嘅，依家大家庭衰落而不斷變賣產業，真係唔開心。（亞視都要解決出糧問題？）救得幾多次呢？咪救得一次！（建議？）不如一次過斬斷佢，搵個有心人從頭做過，我唔信亞視現存嘅人可以救到亞視！」不過，曾監製多套經典時裝劇如《縱橫四海》、《情陷夜中環》與《美麗傳說》的王晶受訪時指不感可惜：「畀無綫擁有海外播放版權仲好啦！可以多啲人睇！」

楊紹雄不認為「賣產」可令亞視起死回生。