歌手彭湘淇（Cory）日前到北京度假，並到滑雪場玩樂，首次滑雪的她選擇了單板滑雪。運動神經不錯的Cory，滑了三日已掌握到技巧，但這次滑雪經歷卻一波三折，她說：「有一日我同朋友去山頂滑雪途中遇上大風雪，所以滑唔到落山。當時個天開始黑，風雪又愈嚟愈大，電話仲收唔到，簡直係被困山頭咁！好彩有個工作人員一齊，佢滑落山叫車上嚟，但佢走咗之後就剩番我同朋友兩個人，當時都好驚！」除了被困雪山，Cory更不幸地撞到後腦兼一度斷片，非常驚險，她猶有餘悸地說：「我喺斜坡向後跌倒撞到個頭，撞到斷咗片幾秒。首先係畫面一黑，之後見到一堆雪花。當時我企唔到起身，呼吸好困難。」這一次接近死亡的經驗，令她感到生命無常，故決定要及時行樂，好好享受每一天。

全副武裝上陣的彭湘淇坐滑雪板落山，有姿勢有實際！

彭湘淇到達雪山頂峰，卻因風雪而被困山頭險遇難！