昨日蔡思貝與網絡紅人林慧韡（達哥）齊齊出席活動，期間兩人被指似樣，場面搞笑。而緋聞多多的思貝極力否認曾單獨相約羅仲謙，並表示不評論曾否激嬲楊怡。

大會特別準備思貝和達哥的「換面」紙牌，認真幽默。

思貝與達哥頭貼頭合照，大家覺得似唔似樣？

藝人蔡思貝與網絡紅人林慧韡（達哥）昨日於灣仔出席電子遊戲揭幕禮活動，期間思貝被問到與羅仲謙的緋聞，對於被指惹得對方女友楊怡不悅，思貝坦言對此感到愕然：「我未約過謙謙食飯，未試過兩人食飯或同車。（有指楊怡因此唔開心？）我唔知，人地嘅嘢我唔評論。」並堅稱現時單身。

達哥認氣質似到足

大會為被指似樣的思貝和達哥提供「換面」紙牌，達哥在台上問思貝覺得大家是否似樣，思貝即高呼：「我梗係覺得唔似啦！」但達哥仍堅稱：「我覺得氣質同內涵都似喎！」

又似梅姐又似陳煒

訪問時，思貝說：「我覺得唔係好似，不過大家都面尖尖同大眼睛。」記者笑問她是否有大量「失散」兄弟姊妹，她自認擁有百搭樣貌：「細個似關智斌，之後似陳煒同梅艷芳，可能我個樣百搭同百變。」又直言不介意被指「撞面」。現場見思貝盡顯疲態，且頸部有敏感，她坦言最近為拍攝影帝張家輝執導的電影經常要捱通宵，故沒甚精神。