鍾欣潼（阿嬌）和張敬軒前晚亦有出席頒獎禮，談到好拍檔蔡卓妍（阿Sa）早前憑《雛妓》在大阪亞洲電影節獲獎，阿嬌十分戥她開心：「新聞一出即刻恭喜佢，之後會同佢慶祝，不過佢要忙謝票同慶功宴，搵日要同佢食番餐。」又讚阿Sa演技大突破：「我睇完都乸住痛，Sa媽睇完都雙眼通紅，我睇完用咗一個鐘嚟寫影評。」另外，提到軒仔密友關智斌（Kenny）日前在泰國拍戲時受傷，軒仔說：「知道呀，成塊指甲冇咗吖嘛，等我去深水埗配番塊畀佢啦。」

阿嬌（左起）、軒仔及霍汶希均悉心打扮出席頒獎禮。

此外，軒仔昨日為《勁歌金曲》錄影，有指天后容祖兒榮升「樓神」身家逾四億，他笑說：「我成日都凝住入英皇會發達，你睇霆鋒、祖兒同基仔，我都因為咁先簽，祖兒喺樂壇打拚咁耐，有呢個數唔奇。（請教祖兒投資？）係Auntie負責投資，應該要約Auntie食飯。（希望有幾多億物業？）三億啦！我講回憶、失憶、思憶呀。」