張栢芝因操守問題被前經理人陳嵐指摘，曾與栢芝合作的爾冬陞，被問到當年對方拍《旺角黑夜》時有否失場？他表示演員其實都很理性，但總有情緒化的時候，惟他印象中對方未有失場。至於栢芝的情緒問題？他說：「都冇乜，藝人大部分都有情緒，對佢哋要包容。（再用佢？）有適合劇本、角色先會搵。」

爾冬陞表示大部分藝人都有情緒，應包容演員。

而曾與栢芝合作電影《無價之寶》的導演王晶則說：「佢情緒差嘛！事件唔應該、亦唔輪到我講。（再合作？）三年冇見，唔知佢依家點！（佢上次點？）當時佢喺離婚階段，情緒波動、唔係十分理性係可以理解，咁又冇失場！不過知佢身體好差，試過女性周期病到入院，佢都唔想。（再搵佢演出？）佢三十幾歲人有自己諗法。（《賭城風雲III》預埋佢？）部戲男人戲為主，搵咗劉嘉玲客串演出。」